Yasmien the next Didith Reyes?

Matud pa sa tsika nga kung si Sarah Geronimo ang giingon nga maoy next superstar, si Yasmien Kurdi usab ang next Didith Reyes.

 Kini tungod sa tsismis nga kusog moinom si Yasmien ug permi kini nga mahubog.

Gi-deny ni Yasmien ang nahisgutang isyu nga gibato kaniya apan wala lang gihapon nawala ang tsismis nga matud pa nahubog gyud siya atol sa birthday ni Dolly Anne Carvajal.

Gikumpara si Yasmien kang   Didith Reyes gumikan kay kahinumduman   nga sikat si Didith niadto pero natsugi ang career tungod sa pagka alcoholic niini. Si Didith ang sikat kaayo niadto sa mga singer .

Pero matud pa sa manager ni Yasmien nga si Manay Lolit Solis dili siya magduha-duha nga kastiguhon si Yasmien kung tinoud man ang maong balita nga naabot kaniya.

Jomari gikataw-an lang ang intrigang Pops-Gabby

Dili tinoud ang tsismis nga hanap na ang relasyon nila ni Pops Fernandez ug Jomari Yllana . Gani nagkuyog gyud ang duha sa unang gabii sa haya sa amahan ni Gabby Concepcion nga si Daddy Rollie. Gikataw-an lang sa duha ang maong tsismis . Maayo gani kay nasabtan lang kini ni Jomari kay sayod man siya nga mao kini ang kinabuhi sa mga artista nga dumogan gyud og mga intriga. Sa pagkakaron going strong ang relasyong Jomari ug Pops.

Michelle ug Ogie hagbay rang nag-divorce

Tibouk adlaw niadtong   Biyernes (September 26) nga nag-apong ang mga crew sa nagkalain-laing TV shows para sa pag-abot sa ex-wife ni Ogie Alcasid, ang former Miss Australia nga si Michelle Van Eimeren.

Tsika sa PangMasa nga mga 8:30 na sa gabii miabot si Michelle sa NAIA sakay sa Royal Brunei Air uban sa duha ka anak nila ni Ogie nga sila si Leila ug Sarah.

Tumong sa pag-anhi sa Pilipinas ni Michelle ug sa duha niya ka anak aron motan-aw sa anniversary concert ni Ogie nga Twenty/Twenty sa Araneta Coliseum kagabii. Gikataho nga two weeks ang bakasyon sa pamilya ni Ogie dinhi sa Pilipinas sa dili pa sila mobalik sa Australia.

Malipayon si Michelle sa pagbalik niya dinhi sa Pilipinas kay gimingaw na siya pag-ayo sa iyang higala dinhi lakip na ang driver ni Ogie nga iya gyud nga gitagad pag-ayo sa pag-abot niya sa airport .

Samtang no comment lang si Michelle sa relasyong Ogie ug Regine Velasquez kay dili siya buot nga maguba ang ilang panaghigala.

Pero gitino ni Michelle nga hagbay ra silang nag-divorce ni Ogie ug wala na siyay problema sa relasyon niini ngadto ni Regine nga iyang giisip nga kabanay na pod niya.

Eugene miawas na ang projects

Gibalibaran na lang sa komedyante nga si Eugene Domingo ang iyang role para unta sa bag-ong show sa GMA-7 nga La Lola gumikan sa iyang ka busy karong panahona. Suma pa sa PangMasa tulo ka pelikula ang gikatakda nga humanon ni Eugene diin entry kini sa Metro Manila Film Festival . Dili siya buot nga makamugna og kadugay sa mga taping busa kinahanglan gyud niya nga mabalibaran ang maong bag-ong serye sa GMA-7.

 “Kailangan ko kasing mamili na between paggawa ng movies or ang taping.  Since katatapos ko lang mag-TV sa Ako Si Kim Samsoon, pahinga muna ako sa paggawa ng series at ang mga pelikula naman ang haharapin ko,” nagkanayon si Eugene ngadto sa PangMasa.

Naka-commit na si Eugene sa tulo ka pelikula alang sa MMFF nga gilangkuban sa Desperadas 2, Ang Tanging Ina Ninyong Lahat ug Shake, Rattle & Roll X.

Gawas sa tulo ka pelikula, gikatakda usab siya nga mohimo og pelikula   sunod tuig nga usa ka comedy movie ubos sa Viva Films nga idirek ni Wenn Deramas.