George Henson-Al Jarreau hugyaw; Arnel confident

Malampuson ang George Henson-Al Jarreau live concert sa Big Dome niadtong Lunes, dihang midagsa gihapon ang mga tawo bisan pa sa kakusog sa ulan ug baha dapit sa Araneta Center ug Gateway. Dili ra pod magmahay ang mga nanan-aw kay maayo gyud nga entertainers silang Benson ug Jareau, gani sa duha ka oras ug tunga nga show nila, dili pa gyud sila papahawaon sa mga nanan-aw. Usa sa mga mitan-aw mao si Alex Muhlach nga amahan ni Niño nga P5,700 ang palit sa usa ka patron ticket para sa show. Sa mga celebrities nga misayaw samtang nikanta silang Benson ug Jarreau, si Arnel Ignacio ang angayang piliong dancer of the night, nga nagpakita sa iyang kamaayong mosayaw ug naka-ako pa sa pakigpares sa mga babaye sa Araneta clan. Si Petula Clark, na pod ang sunod nga mag-concert sa Big Dome karong Septiyembre 13 ug si Tony Orlando sa Septiyembre 19. Si Petula mao ang most successful British pop singer nga nagpasikat sa mga kantang Downtown, Don’t Sleep In The Subway, You And I, That Old Evil Moon ug uban pa. Samtang si Tony Orlando nailhan nga kauban ang Dawn, ang iyang back-up singers/dancers ug adunay mga hit nga Tie A Yellow Ribbon ug Candida. Septembre usab ang anniversary concerts sa Apo Hiking Society (20) ug Ogie Alcasid (27).

Bamboo ug Sponge Cola magtigi

Gikatakda nga i-release karong semanaha ang bag-ong “Tomorrow Becomes Yesterday” sa Bamboo. “Kailan” ang carrier single sa CD. Mosunod sa pag-gawas og bag-ong self-titled album ang Sponge Cola. “Puso” ang first single from the new album. Sigurado gyud nga mag-kakompetinsya sa pagbaligya ang duha ka new outings sa duha sa labing -sikat nga banda sa ‘Pinas, nga mopatok gyud sa mga hit charts. Pero delay ang release sa Sponge Cola CD, tungod kay nakasinati og throat ailment si Yael Yuson, lead vocalist sa grupo. Kinahanglan pa siyang magpaayo usa pa motikang sa TV launch ug lain-laing guestings.

Jericho ug Carmen way chemistry

Sigurado gyung gitan-aw sa millions of televiewers ang “I Love Betty La Fea”, nga dugay na nga nag-atang sa maong serye nga gibidahan nilang Bea Alonzo ug John Lloyd Cruz.

Apan tsika sa PangMasa dili kini makit-an sa TFC, lukop kalibutan. Dili man gud pwedeng ipagawas kini outside the Philippines, tungod kay adunay nagkalain-laing Betty La Fea versions ang ubang nasud. Bisan sa U.S.A. nga daghang TFC subscribers, gipagawas na nila ang “Ugly Betty”. Karon pangutana na pod kun kusog pod ba ang rating sa RP-Malaysia co-prod nga “Kahit Isang Saglit” starring Jericho Rosales ug Carmen Soo, kay matud pa sa mga himatayon, walay chemistry ang duha ka bida.