Gabby mitraydor na sa iyang manager

Gipaabot nga iatras na ni Jobert Sucaldito ang kiha niya batok ni Gabby Concepcion. Buot pasabot, bugtong ang manager na lamang ni Gabby nga si Rose Flamiano ang padayong ikiha ni Jobert. Tsika sa beteranang kolumnista sa PangMasa Manay Cristy Fermin, ang maong lakang luwatan ni Jobert human sila nagtagbo ni Gabby—pinaagi sa usa ka common friend—sa usa ka balay sa Pasig. Didto matud pa nangayo og pasaylo si Gabby kang Jobert sa nahitabo ug nangangkon nga gipugos lamang siya sa iyang manager nga pasakaan og kaso si Jobert. Kahinumduman nga nagkasumpaki sila si Jobert batok sa nila ni Gabby ug Flamiano human mitando matud pa ang actor nga maoy mo-endorso sa usa ka dietary supplement, apan sa kaatbang nga produkto kini mipirma og kontrata sa mas mahal nga talent fee. Samtang, dunay mga nakasaway sa pagpakigtabo ni Gabby kang Jobert nga siya ra tungod kay nagpasabot matud pa kini nga “gilaglag” niya ang iyang manager ug naneguro ra siya para sa iyang kaugalingon. Kahinumduman nga nabalita dinhi sa Banat Hugyaw niadtong milabay nga mga adlaw nga dunay panagsumpaki pod karon si Gabby ug Flaminiano ug ang rason may labot sa kinitaan ug talent fee sa aktor.

Media dili maka-interview sa pamilya ni Ogie

Giklaro ni Ogie Alacasid nga walay matiti nga impormasyon ang media gikan nila ni Michelle Van Eimeren ug sa duha nila ka mga anak, kinsa gitakda nga muabot sa nasud alang sa ika-20th showbiz anniversary concert sa singer-songwriter-comedian nga Twenty/Twenty nga ipasundayag sa Araneta Coliseum karong umaabot nga Septiyembre 27. “Basta, sa isang hotel sila titira,” nagkanayon si Ogie. “Hindi naman sa itatago ko sila sa media at press. Tiyak na may mga makaka-trace pa sa kanila, pero I don’t think na may mapapala sila kay Michelle. Hindi na showbiz yung tao. Hindi na siya basta haharap pa sa media para sa kung anu-anong tanong. They will just be here to be part of the celebration.”

Robi umaabot nga MYX VJ

“I just have fun,” matud ni Robi Domingo sa dihang gipangutana kini kalabot sa iyang padayong pagsulbong sa iyang career sa nataran sa showbusiness. “Until now hindi pa rin nagsi-sink in,” mapahiubsanon nga nagkanayon kini. “I just have to adapt and get used to the new environment.” Samtang, tulo na ka mga bulan ang milabay sukad nga misulod sa showbiz si Robi ug karon daghan na ang naglinya nga mga proyekto niini. Nasayran nga human sa iyang pagsulod isip usa sa mga casts sa MY Girl, nagpaabot kaniya karon ang proyekto isip endorser sa usa ka popular gadget brand ug gitakda pod siya nga mulugwa isip VJ sa Myx Musical Channel. Ang nahisgutan usab ang nakaangkon sa ikaupat nga pwesto sa October issue sa Star Studio Magazine’s most gorgeous guys sa showbiz. Mibutyag ang nahisgutan nga bisan daghan siya’g mga proyekto nga gihimo karon apan mas gi-prioritize gihapon niya ang iyang pag-eskuyla.“Sinabi ng parents ko, I’m old enough, and I know what to do and that whatever I do, they will support me.”