Hugyaw Minugbo

• Kung walay kausaban, February 6, na ang taping ni KC Concepcion alang sa longest running drama anthology, Maalaala Mo Kaya sa ABS-CBN. Isalida kini karong buwana usab. Pwes, sukwahi sa mga buot makauban ni KC nga sila si Piolo Pascual ug John Lloyd Cruz, si Derek Ramsay maoy palarang makauban ni KC sa maong episode, diin kun mo-click sila isip partners, sila usab matud pa ang mag-partner sa first movie sa Mega daughter nga mag-shooting na karong April 2008, ubos sa Star Cinema.

• Si Hero Angeles unta ang ipares ni Glaiza de Castro alang sa TV remake sa Sharon Cuneta classic nga “Kaputol ng Isang Awit” sa GMA-7, apan duna na poy problema sa negosasyon hinungdan nga wala mahinayon ang pagpirma og kontrata sa maong kanhi Kapamilya star sa Artist Center. Pwes, dako ang tsansa nga si Marky Cielo ang makauban ni Glaiza, kinsa giandam karon sa Kapuso Network isip musunod nga Drama Princess, human usab nila ni Yasmien Kurdi ug Nadine Samonte. Ang Kaputol, bidahan usab ni Lovi Poe nga paresan ni Jolo Revilla, diin hulip unya kini sa My Only Love nila ni Mark Herras ug Rhian Ramos.

• Happy si Ara Mina bisan pa man og negatibo ang pamahayag sa mga wala makauyon niya, diin gitawag siya karon sa mga himantayon og “ Prinsesa ng Balyena” isip pagpanaway sa kadako niya tan-awon on screen. Ni Ara pa, “Hindi na ako nasasaktan sa ganyang mga batikos o puna sa akin, kasi ibig sabihin lang niyan, napapansin pa rin nila ako. Pag di ka na nila tinira, it only means wala silang pakialam sa iyo. Mas nasaktan ako sa mga naunang pinagdaanan kong mga intriga, parang ingrown na lang siya.”