Alyssa, mali-mali o bobong talaga?

Hindi uso ngayon ang mga sexy movies kaya ang mga men’s magazines tulad ng FHM na lamang ang nagpi-feature ng mga sexy pictorials ng mga kilalang artista.  Kung naging controversial ang FHM cover ng ‘concert queen’ na si Pops Fernandez dahil sa naging komento ng kanyang ex-husband na si Martin Nievera, tiyak na marami rin ang magugulat sa pagpayag ng young actress na si Ehra Madrigal bilang cover ng FHM sa buwan ng September.  Sabagay hindi naman kataka-taka dahil may mukha at katawan naman talaga si Ehra na maipagmamalaki.

Si Ehra ay talent ni Annabelle Rama at ng GMA-7 habang ang kanyang kapatid na si Michelle Madrigal ay nasa bakuran ng ABS-CBN.  Ang pagpapaseksi ni Ehra ay hindi rin kataka-taka dahil ang kanyang inang si Karla Kalua ay isa sa mga sexy stars nung dekada otsenta.

Si Ehra ay regular na napapanood sa SOP Gigsters at Majika.

* * *

Napakabilis talaga ng panahon!  Ilang tulugan na lamang at Pasko na naman.  Parang kailan lang nang pumasok si Gary Valenciano sa music scene at ngayon ay nagsi-celebrate na siya ng kanyang ika-23 taon sa industriya.  Habang patuloy ang pagdagsa ng mga bata at bagong mukha, hindi pa rin natitinag ang mister ni Angeli Pangilinan-Valenciano sa kanyang kinalalagyan.

Nung nakaraang August 17, 18, 24, 25, 31 at September 1 ay natunghayan si Gary V. ng ilang gabi ng concert sa Music Museum na pinamagatang Gary V @ 23 at huli itong mapapanood sa Sept. 8.  Dito ay musical director niya si Mon Faustino at si Paul Soriano naman ang nagdirek ng ilan sa kanyang mga videos sa concert kung saan niya naging special guest si Regine Velasquez at anak na si Kiana Valenciano. Naging special guest din ang isa pang anak ni Gary V. na si Gabriel.

* * *

Nag-click noon ang cager-turned comedian na si Jimmy Santos dahil sa kanyang carabao English at mukhang uso na naman ito ngayon sa dating Viva Hot Babe na si Alyssa Alano na sumikat dahil sa kanyang pagiging mali-mali sa pagsasalita ng wikang English.  Ang buong akala ng marami ay sinasadya lamang ito ni Alyssa para magmukha siyang nakakatawa pero totoo pala ang kanyang kabobohan na kanya namang pinapakinabangan ngayon.

Hindi napipikon si Alyssa kapag pinagtatawanan siya sa tuwing magsasalita siya ng English at sa halip ay natutuwa pa siya dahil nakakapagpasaya siya sa ibang tao.

Bukod sa Eat Bulaga, si Alyssa ay mapapanood sa final season ng Love to Love Season 12, ang Jass Got Lucky kung saan tampok sina Lovi, Cogie Domingo, Joey Marquez, Bianca King, Ryza Cenon, Iwa Moto, Gian Carlos, Chuck Allie, Vaness del Moral, Arci Munoz at Nikki Bacolod.

* * *

Tiyak na kaabang-abang na naman ngayong gabi ang Bitoy’s Funniest Videos ni Michael V.   Makikita ang mga taong pinagsabay ang paghuhubad at ang pagpapatawa sa "Indecent Exposures".  Mapapanood din ang mga cute na cute na mga batang mahilig magpakitang gilas sa "Kids and Babies’ Skills", ang mga ayaw paawat na "Naughty Kids" at ang ilang itsura kapag tulog sa "Sleepy Folks". 

* * *

<[email protected]>