Kailangang mag-aral ni Jennylyn!

Bawat stages ng buhay ni Jennylyn Mercado, lagi siyang may mahirap na pinagdadaanan. Nung 3 yrs old ito, battered child siya. Bago sila maghiwalay ni Mark Herras, sabi raw battered girlfriend siya. Ngayon exploited naman siya sa kanyang teenage life.

Nalulungkot nga si Jennylyn dahil napag-iiwanan na siya ng mga classmates niya. Halos tatlong taon na siyang huminto sa kanyang pag-aaral.

Tapos nung launching ng "Letting Go" album niya kamakailan, wala pa raw siyang pahinga at laging pagod sa dami ng kanyang trabaho.

"Gusto ko na po talagang mag-aral. Marami lang pong commitment. Pero hindi naman ako nagrereklamo sa trabaho ko. Dahil marami rin naman akong natutuhan dito," paliwanag ni Jennylyn.

Nag-stop si Jennylyn ng third year high school kaya kailangan niyang kumuha ng accelaration exam para makapasok siya sa college. At gusto niyang kumuha ng Masscom course.

Naawa nga ako sa kanya nung ini-interview siya ng mataray na reporter dahil hindi ito satisfied sa kanyang mga sagot dahil malayo ang sinasabi ni Jennylyn. Tinutulungan na nga siya ng mga PR ng Channel 7 na sumagot. Siguro nga dahil sa puyat. Nung time pa naman na yun ay na-tense din siya dahil may nang ha-harass sa kanya at tinatakot siyang sasabuyan ng asido sa mukha, minumura siya sa text at kung anu-anong pinagsasabi sa kanya.

Comment tuloy sa kanya ng reporter na yun, "Dapat talaga siyang mag-aral dahil she’s not articulate, she’s only wasting my time!!!"

Sana naman pagbigyan si Jennylyn ng GMA-7 na makapag-aral. Puwede namang gawan ito ng paraan ng kanyang manager kahit hindi formal studies.

"For the mean time na hindi pa ako makapag-aral, concentrate muna ako sa trabaho ko. At masaya ako dahil successful ang career ko. Pero nag-start na rin akong mag-negosyo, alam ko naman na hindi habang panahon sikat ako," paliwanag ni Jennylyn.

At ang dream ngayon ni Jennylyn ay magkaroon ng major concert pagkatapos ng matagumpay na birthday show nito. Pero bago yun, sana raw ay mag-hit muna ang mga kanta sa kanyang album na "Letting Go" tulad ng "Pangako Mo," "I’d Still Say Yes," "Tanging Ikaw," "Nalimutan Mo Na Ba," na release ng GMA Records.