Danica Sotto, may album na!

Pumirma ng recording contract si Danica Sotto sa kumpanya ni Mr. Howard G. Dy, Managing Director & CEO of Dyna Music kamakailan. Si Danica ang isa sa dalawang anak (ang isa pa’y si Oyo Boy) nina Vic Sotto at Dina Bonnevie.

Nang unang mag-audition si Danica, kasama ang kanyang manager na si Arnold L. Vegafria, nagustuhan agad siya nina Boyet Manahan at Alan Ayque, mga producers ng Dyna Music. Her album will have a mixture of love songs, pambagets na novelty ang dating at acoustics.

Sinasabi pa nga nila, no offense meant pero mas maganda ang timbre at kalidad ng boses ni Danica kaysa sa kanyang ina. Palibhasa’y nanggaling sa musically-inclined family ng mga Sotto kaya hindi na nakapag-tatakang minana niya ang talento ng mga ito sa pagkanta.

Danica is Danica Anna B. Sotto in real life. She is 5’4-1/2" and she turned 20 last May lang. Gusto niyang i-pursue ang pangarap niyang maging isang recording artist.

Aside from acting on TV, Daddy Di-Do-Du, she loves to sing, play the drums and play billiards kasama ang mga barkada. And that includes her mom Ms. D and brother Oyo Boy. Madalas silang lumabas and according to Ms. Dina in an interview, they even drink beer at home together.

Early next year, Dyna Music will have a big corporate launch of all their new artists, kasama si Danica. All their albums would be ready for release by then.— Ben Dela Cruz