Piolo kinagat si Juday

Kinilig ang mga tagahanga sa loob ng studio sa nasaksihang sweetness nina Judy Ann Santos at Piolo Pascual nang mag-guest sila sa Morning Girls. Sobra kung mag-display of affection si Piolo sa kanyang leading lady sa Till There Was You.

Sa taping ay nagpakita ng panggigigil si Piolo kay Juday nang kagatin niya ito sa balikat ng dalawang ulit sa harap ng kanilang mga fans.

Punumpuno ng kaligayahan ang mga tagahanga datapwa’t may ilan naman ang nagdududa sa kanilang nakitang lambingan ng dalawa.

Marami rin kaming text messages na natanggap na hindi sumang-ayon sa ginagawang public display of affection ng dalawa. Naisip nilang baka parte iyon sa promo ng kanilang pelikula.

Magkaganoon man, nagbitiw uli si Juday ng kanyang signature punchline na "What you see is what you get!" (Ulat Ni Alex Datu)