Piolo, posibleng mabaog

May posibilidad na maging true-to-life ang ginagampanang papel ni Piolo Pascual sa Sa Puso Ko, Iingatan Ka bilang Jordan. Sa naturang soap opera ay may karamdaman ang bidang lalake, impotent siya.

Sa huling taping ng soap na kinunan sa may Quezon Circle ay napuruhan siya sa isang eksena. Kunwaring nakipagsuntukan siya bilang Jordan sa isang masamang loob at nang sa routine na tatamaan ang ibabang bahagi niya ay di umano natantiya ng kalaban nito at ibinigay ang malakas na sipa sa may bandang harapan ng aktor.

Sa madaling salita, napuruhan ang aktor at isiping isang tunay na karatista ang naging katunggali nito. Matagal daw na tiniis ng aktor ang sakit at ayon sa ibang nakapanood ay nagsabing malamang mabaog ang aktor sa tunay na buhay.

Maraming naawa sa aktor sa paika-ika nitong paglalakad pagkatapos ng taping. – Alex Datu