Ang pagbabalik ng 'Star For All Seasons'

Pagkatapos ng ilang taong pagkawala sa eksena habang full-time na naglilingkod bilang mayor ng Lipa, nagbabalik si Ms. Vilma Santos sa kanyang tahanan sa telebisyon. Balik-GMA ang Star for all Seasons sa isang pelikulang ginawa para lamang sa TV. Ang Bugso ay kuwento ni Carmel Ancheta, isang babaeng sampung taon ng bulag nang maipit sa gitna ng misteryosong pagma-masaker sa buo niyang pamilya? Paano niyang maipagtatanggol ang kanyang sarili sa kabila ng kanyang kalagayan.

Kasama ni Ms. Vilma Santos sa Bugso sina Tirso Cruz, III, Ian de Leon, Mandy Ochoa, Aiza Marquez at Renato del Prado. At director niya rito ang walang iba kundi ang paborito niyang screen partner na si Christopher de Leon.

Huwag palampasin ang pagbabalik-telebisyon ng "Star of All Seasons" sa Bugso ngayong Sabado, April 27, 8:00 n.g. handog ng Seven Seasons sa GMA.