Lani, tinalo si Zsazsa sa kantahan?

Pinatunayan muli ng nag-iisang Divine Diva Zsazsa Padilla, sa The Love Concert nung nakaraang Valentine’s Day, ang kanyang pagiging reyna ng mga Valentines show, na hawak niya sa loob ng labing walong taon!

Sa porma at tayo pa lamang daw niya ay talaga namang nakaka-inlove na! At napaka-sosyal at elegante ng dating niya. Kaya naman masasabi ng ilang mga nakapanood na siya ang bida ng naturang show!

At sa mga naglalabasan na diumano’y natalo ni Lani Misalucha si Zsazsa sa concert, dedma lang ang Divine Diva sa mga ganitong pakulo ng mga taong naninira sa kanya. Dahil ayon nga sa mga sumusuporta sa kaibigan namin, kung sa tagal at performance lang naman ang pag-uusapan, mas may napatunayan na si Zsazsa. Patuloy na kumikita ang kanyang albums sa Viva Records at ang di na rin mabilang ang mga bigating performers na rin ang nakasama ni Zsazsa sa concert scene. At kahit kailan, hindi na-iinsecure si Zsazsa sa kahit sinong performer, dahil marami pa silang kakaining bigas bago nila marating ang mga naabot niya.