Lalaki sa Japan, inaresto matapos labhan ang mga bra at panty ng kapitbahay!

INARESTO ang isang 50-anyos na lalaki sa Shizuoka Prefecture matapos niyang pasukin ang apartment ng kapitbahay na babae para labhan ang mga bra’t panty nito!

Naganap ang insidente sa isang apartment building sa Hamamatsu. Lumabas sandali sa kanyang apartment ang hindi pinangalanang 28-anyos na biktima para bumili ng pagkain. Nakalimutan nitong i-lock ang main door ng apartment kaya madaling nakapasok ang suspek.

Target ng suspek ang mga bra at panty ng biktima ngunit hindi para nakawin ang mga ito kundi labhan. Pagbalik ng biktima sa kanyang apartment nagulat ito nang makitang nalabhan na ang kanyang mga underwear at nakasampay na ito.

Agad nireport ng biktima sa mga pulis ang nangyari at nahuli ang suspek.

Sinampahan ng kasong trespassing ang suspek. Inaalam pa ang motibo kung bakit nilalabhan ng suspek ang mga bra at panty.