Lalaki sa U.S., kayang magpalobo ng balloons gamit ang ilong!

ISANG lalaki sa Idaho, USA ang nakatanggap ng Guinness World Record title dahil sa kanyang kakayahan na magpalobo ng 10 balloons gamit ang kanyang ilong!

Upang i-promote ang STEM education sa mga kabataan, nakapagtala na ng 249 Guinness World Record titles ang engineer na si David Rush.

Para sa kanyang ika-250 Guinness title, sinubukan niyang makamit ang titulong “Most balloons inflated by the nose in one minute”. Noong 2017 pa sinubukan ni Rush na masungkit ang titulong ito ngunit dahil sa allergy at sipon, nabigo siyang matalo ang record holder na si Ashrita Furman na nakapagpalobo ng siyam na balloons.

Ngayong Agosto 2022, nagtagumpay si Rush na makapagpalobo ng 10 balloons gamit ang ilong sa loob ng 1 minute.

Dahil sa dami na ng mga nakamit na world record title ni Rush, tinawag na siya bilang “serial record-breaker” ng Guinness. Ilan sa mga world record titles na siya ang may hawak ay: Most consecutive axe juggling catches, Most apples thrown and caught in mouth in one minute, Most toilet paper rolls balanced on the head.