‘Adolf Hitler’, panalo sa eleksiyon sa Namibia

ISANG nanalong konsehal sa eleksyong idinaos kama-kailan sa Namibia ang naging laman ng mga balita dahil sa kanyang kakaibang pangalan.

Agad kumalat sa Twitter ang pagkapanalo ng 54-anyos na si Adolf Hitler Uunona bilang councilor sa Ompundja, Namibia.

Hindi naman ikinatuwa ni Uunona na laman siya ng balita dahil kapangalan niya ang isa sa pinaka-notorious na diktador sa kasaysayan ng mundo.

Ipinaliwanag lamang niya na ang ama niya ang nagpa-ngalan ng ‘‘Adolf Hitler’’ sa kanya at marahil ay hindi raw nito naisip kung ano kadikit ng nasabing pangalan.

Bukod dito, ayaw na ni Uunona na magbigay ng panayam ukol sa kanyang pangalan dahil hindi naman daw ito mahalaga o makakatulong sa pagpapaunlad ng Namibia.