2 drug peddler huli sa buy-bust

PAMPANGA  , Philippines  —  Kalaboso ang dala­wang lalaki na nasa drug watchlist matapos magsagawa ng magkahiwalay na buy-bust operation ang pulis­ya sa Brgy. Sto. Domingo, Angeles City noong Huwebes  ng gabi. Sa ulat kay ng P/Chief Insp. Joel Bagaoisan, hepe ng Police Station 1, kinilala ang mga suspek na sina Jarvis Gutierrez alyas “Rambo”, 48, may asawa, welder, residente ng Brgy. Sta. Trinidad at Bryan Ace Lasquite, 30, ng Brgy. Sto. Domingo, Angeles City.

Nasamsam sa dalawang suspek ang anim plastic sachet ng hinihinalang shabu at marked money. Kasong paglabag sa Comprehensive Dangerous Drugs Act of 2002 ang kakaharapin ng mga suspek.