‘Termite Gang’ umatake: P.4-M nakulimbat

TIAONG, Quezon, Philippines — Aabot sa mahigit P400,000 ang natangay ng “Termite Gang” makaraan nilang pasukin ang dalawang tindahan sa loob ng isang mall na nakatayo sa Barangay Lalig, kahapon ng umaga.

Inatasan na ni Quezon Police Director si Tiaong police chief Chief Insp. Alejandro Onquit na magsagawa ng malalimang imbestigasyon upang matukoy ang pagkakakilanlan sa mga suspek.?

Sa inisyal na imbestigasyon, dakong alas-4:00 ng madaling-araw ay nakarinig ng mga tunog na tila may tinitibag sa ilalim ng City Mall Shopping Center ang guwardya na si Erwin de Castro kung kaya’t mabilis na ipinagbigay-alam nito sa pulisya.

Nang siyasatin ang lugar, natuklasang napasok ng gang ang mga tindahan na My Basic Store, Expressions at Rodeo Drive at sinira ang mga vault saka kinuha ang mga pera na nasa P424, 601.00.