Magka-live-in utas sa road mishap

TUGUEGARAO CITY, Cagayan, Philippines – Patay ang magka-live-in matapos salpukin ng hindi pa natukoy na sasakyan ang kanilang motorsiklo sa kahabaan ng national highway sa Barangay Minante 2 sa Cauayan City, Isabela kamakalawa. Kinilala ni P/Supt. Ariel Quilang, hepe ng Cauayan City PNP ang mga biktima na sina Marlon Palalay, 28; at Chrystalin Zapata, 24, kapwa nakatira sa Barangay Dagupan sa bayan ng Alicia. Lumalabas sa imbestigasyon na nadatnan na lamang ng mga residente na duguang nakabulagta ang dalawa sa gitna ng highway katabi ng kanilang motorsiklo na nayupi na animo’y lata ng sardinas. Ayon kay Quilang, isinugod ng mga sumaklolo ang dalawa sa Cauayan Medical Specialist Hospital kung saan idineklarang patay.