2 tiklo sa droga at baril
BULACAN, Philippines – Dalawa-katao na sinasabing may nakabinbing kasong kriminal na nagtutulak ng droga makaraang isilbi ang dalawang search warrant na ipinalabas ng korte sa mga Barangay Perez at Bayugo sa Meycauayan City, Bulacan, kahapon.
Nakatakdang kasuhan ang mga suspek na sina Elvir Omoy, 38, technician/mechanic at nakatira sa Sto. Niño Subdivision, Brgy. Perez; at Tatad “Cyrus Pangcoga” Maclas, 19, ng Northville 3 sa Brgy. Bayugo.
Base sa ulat na nakarating sa Camp Alejo Santos, unang sinalakay ng pulisya ang bahay ni Omoy sa Brgy. Perez base sa search warrant na inisyu ni Judge Celso O. Baguio.
Ni-raid din ang bahay ni Tatad na may nakabimbing kasong murder base sa search warrant na inisyu ni Judge Gregorio Sampaga ng Malolos City Regional Trail Court Branch 78 at walang inirekomendang piyansa.
Nasamsam sa mga suspek ang 17 plastic ng shabu, digital weghing scale, mga drug paraphernalia at dalawang baril.
- Latest
