Staff ng alkalde patay sa tandem

TUGUEGARAO CITY, Cagayan, Philippines – Pinabulagta ng motorcycle-riding assassins ang isang staff ni City Mayor Ferdinand Tubban sa harapan ng kanyang bahay sa Barangay Dagupan West, Tabuk City, Kalinga noong Martes ng umaga.?

Walong tama ng cal. 45 pistol ang tumapos sa buhay ni Oscar Gunday na dating vice president ng Kalinga School of Science and Technology.

Ayon kay P/Supt. Gilbert Fati-ig,  hepe ng Tabuk City PNP, naghihintay ng traysikel sa waiting shed ang biktima patungo sa city hall nang hintuan at ratratin ng riding-in-tandem gunmen.

Idineklarang patay sa Kalinga Provincial Hospital ang biktima na nagtamo ng apat na tama sa dibdib, dalawa sa ulo at iba pang bahagi ng katawan.

Sinabi ng mga saksi na inabangan ng tandem gunmen si Gunday sa waiting shed sa tapat ng kanyang bahay bago naganap ang pamamaril.?

Inaasahan ng pulisya na makakapagbigay ng composite sketch ang mga nasa crime scene upang matukoy ang pagkakakilanlan ng dalawang suspek.?