Adik sa droga tinodas

BULACAN, Philippines – Isang lalaki na umano ay pasaway sa kanyang magulang dahil sa umano’y pagiging drug addict ang binaril nang malapitan sa pintuan ng kanyang bahay sa Brgy. Maronquillo, San Rafael, Bulacan, kamakalawa ng gabi.

Namatay noon din ang biktimang si Felix Velilla, 44 biyudo at residente ng nasabing lugar.

Sa ulat, dakong alas-6:30 ng gabi ay nasa loob ng bahay ang biktima nang tawagin ito ng suspek at pinalalabas.

Nang lumabas ang biktima ay agad siyang sinalubong ng mga bala sa pinto ng hindi pa kilalang suspek.

Ayon sa pulisya na ang biktima ay nakatala sa drug watch list ng pulis-San Rafael at palaging inaaway ang mga miyembro ng kanyang pamilya tuwing naka-droga.