Lady trader nadale ng ‘Salisi Gang’
CAMARINES NORTE , Philippines - Luhaang dumulog sa himpilan ng pulisya ang isang 38-anyos na businesswoman makaraang manakaw ang kanyang bag na naglalaman ng daan libong piso ng mga hinihinalang miyembro ng “Salisi Gang†matapos na magpanggap na kustomer sa Estela’s Sotre sa Labo Public Market, Brgy Pinya, Labo, Camarines Norte kamakalawa.
Sa ulat ni P/Chief Insp. Rhoderick Campo, dakong alas 9:15 ng umaga, dalawang hindi nakikilalang kalalakihan ang pumasok sa nasabing tindahan at isa dito ay agad na kinausap ang saleslady.
Habang nag-uusap ang dalawa, naging malikot ang mata ng isang suspek hanggang sa magawang makuha ang bag na naglalaman ng P.1M na nakapatong sa ibabaw ng mesa at cellphone na nagkakahalaga ng P3K na pag-aari ni Rita Espela, 38, ng Happy Homes Green Ville, Brgy Bautista-Labo.
Mabilis na nakalabas ang mga suspek at huli na ng mapansin ng biktima na nawawala ang kanyang shoulder bag. Tinangkang habulin ang mga suspek subalit hindi na nakita.
- Latest
