Technician pinabulagta

BULACAN , Philippines- Napaslang ang 40-anyos na technician makaraang ratratin ng dalawang maskaradong lalaki sa kanyang bahay sa Barangay Graceville, San Jose Del Monte City, Bulacan kamakalawa ng gabi. Siyam na tama ng bala ng baril ang tumapos sa buhay ni Boyet Anonuevo ng Towergrotto Ville sa nasabing barangay. Sa imbestigasyon ni PO3 Enrique Bolina, nagluluto ng panghapunan ang biktima sa kusina ng kanyang bahay nang pasukin at pagbabarilin ng dalawang di-kilalang lalaki. Narekober sa crime scene ang ilang basyo ng bala ng cal. 45 pistol at cal. 9mm. Sinisilip ng pulisya ang anggulong may kinalaman sa bawal na droga ang pamamaslang.