2 sugatan sa holdap
BULACAN, Philippines — Dalawa katao ang nasugatan maÂtapos na pagbabarilin ng dalawang kalalakihang motorÂcycle riding gunmen na humoldap sa mga ito sa Brgy. Parada, Sta. Maria, Bulacan kamakalawa ng hapon.
Kasalukuyan ng nagpapagaling sa Bulacan Medical Hospital ang mga biktimang sina Jose Magat 53, driver at Policarpio Bautista, 52 anyos bunsod ng tinamong mga tama ng bala sa kanilang katawan.
Base sa imbestigasyon ni PO2 Jonathan Mañacap dakong alas-2:30 ng hapon ay galing ang mga biktima sa sangay ng Banco De Oro sa Brgy. Poblacion, Sta.Maria upang mag-withdraw ng halagang mahigit na P.6M piso bilang kabayaran sa pagbebenta ng lupa na pag-aari ng isa sa kamag-anak ng biktimang si Bautista.
Habang tinatahak ng mga biktima na lulan ng isang Nissan Urban (TQY-852) sa bahagi ng Brgy. Parada ay hinarang ang mga ito ng mga suspek na lulan ng Honda TMX na agad nagdeklara ng holdap sabay tutok sa mga biktima.
Akmang papalag ang mga biktima kaya binaril ng mga suspek gamit ang cal. 45 pistol saka mabilis na tumakas tangay ang perang nakulimbat sa mga biktima. Nagsasagawa ng ng followup operations ang pulisya sa kasong ito.
- Latest
