2 pulis tinambangan
BULACAN, Philippines – Napatay ang 37-anyos na pulis habang sugatan naman ang kabaro nito matapos pagbabarilin ng apat na kalaÂlakihang lulan ng dalawang motorsiklo sa naganap na pananambang sa bahagi ng Barangay San Agustin, bayan ng Hagonoy, Bulacan kahapon ng umaga.
Kinilala ang napaslang na si PO1 Alex Francisco ng Aurora PNP, dating nakatalaga sa Drug Enforcement Unit at nakatira sa Barangay Sto. Niño habang naisugod naman sa Bulacan Medical Center si PO1 Jaydee Ventura ng Hagonoy PNP at residente ng Barangay San Agustin.
Base sa police report, magkasabay na nag-aalmusal ang ang dalawang biktima sa isang karinderya sa talipapa nang lapitan at ratratin ng gunmen bandang alas-7: 30 ng umaga.
Gayon pa man, kahit sugatan ay nagawang makalayo ni Ventura at nakahingi ng tulong sa himpilan ng pulisya na may ilang metro lamang ang layo sa crime scene. Narekober sa crime scene ang ilang basyo ng Cal. 45 pistol.
- Latest
