Mister nagbigti sa selos

CAMP SIMEON OLA, Legazpi City, Philippines – Winakasan ng isang 43-anyos na mister ang kaniyang buhay matapos itong magbigti sa loob ng kanilang tahanan sa Brgy. Pawili, Bula, Camarines Sur kamakalawa. Kinilala ang biktima na si Eduardo Gonzales, may-asawa, magsasaka at residente ng naturang lugar.

Batay sa ulat ng pulisya, bandang alas-4:50 ng hapon ng madiskubre ang bangkay ng biktima na nakabitin sa loob ng kaniyang tahanan.

Nabatid na ang mister ay nagseselos ng may nakarating na ulat na ang kanyang misis ay nililigawan ng isa nilang kapitbahay na labis na ikinasama ng loob nito. Isinailalim na sa awtopsya ang bangkay ng biktima.