Drug pusher itinumba

QUEZON, Philippines  – Pinaniniwalaang onsehan sa bawal na droga kaya binaril at napatay ang 30-anyos na lalaki ng isa sa dalawang tulak ng droga sa Barangay Buenavista West sa bayan ng Candelaria, Quezon kamakalawa ng gabi. Base sa imbestigasyon ng pulisya, dakong alas-6-45 ng gabi habang nakaupo sa motorsiklo ang biktimang si Fernan Aguila nang lapitan ng dalawang di-kilalang lalaki. Habang nakikipag-usap ang biktima ay umikot sa kanyang likuran ang isa pang suspek at malapitan itong binaril sa ulo. Naglakad palayo ang gunmen na animo’y walang naganap na pamamaril habang nakarekober naman sa bulsa ng biktima ng plastic sachet ng shabu. Nabatid sa ulat na may mga text messages sa cell phone ng biktima na naglalaman ng mga transaksyon sa  iligal na droga.