Konbersyon ng Cabanatuan, iprinoklama
Manila, Philippines - Iprinoklama na ni Pangulong Benigno Simeon Aquino III ang konbersyon ng Cabanatuan bilang Highly Urbanized City (HUC). Ang Cabanatuan ay isang ‘component city’ ng Nueva Ecija na sentro ng edukasyon, pagamutan at kalakalan sa Gitnang Luzon.
Ayon sa Proclamation No 438 na may petsang Hulyo 4, 2012 na ipinalabas ng Malacañang, ang nasabing proklamasyon ay magkakabisa lang kung ito ay raratipikahan o pagtitibayin ng mga mamamayan ng Cabanatuan sa isang plebisito na itatakda ng Comelec.
Marapat lang nagawing HUC ang Cabanatuan dahil ito ay nakatugon naman sa mga rekisitos na nakasaad sa Section 452 ng Local Government Code (LGC) of 1991, sabi ng Pangulo.
Aniya, isang polisiya ng pamahalaang nasyonal na suportahan ang mga pamahalaang lokal sa kanilang layunin at hakbangin na lubos na umunlad ang kanilang nasasakupang bayan o siyudad. Sa kasalukuyan ang lungsod ay nasa ilalim ng pamamahala ni Mayor Julius Cesar “Jay “ Vergara.
- Latest
- Trending
