Masiao collector itinumba

CEBU CITY, Philippines  - Napaslang ang collector ng masiao matapos barilin ng di-kilalang lalaki sa bisinidad ng Barangay Ermita, Cebu City, Cebu kamakalawa ng umaga. Napuruhan sa ulo si Narciso Cervantes Antopina, 42, ng Sitio Barracks sa nasabing barangay. Ayon kay SPO3 Rey Cuyos, naglalakad ang biktima sa kahabaan ng Calderon Street nang lapitan at barilin sa ulo. Wala namang lumutang na saksi sa krimen dahil sa takot na madamay. Blanko ang mga imbestigador ng pulisya sa motibo ng gunman subalit malaki ang paniniwala na may kaugnayan sa illegal gambling ang naganap na pamamaslang sa biktima. Freeman News Service