Kuya dinedo ng bunso sa burol ng ina
TUGUEGARAO CITY, Philippines – Pinagsasaksak hanggang sa mapatay ang 45-anyos na magsasaka ng kanyang nakababatang kapatid sa mismong burol ng kanilang ina sa Barangay Calog, sa bayan ng Abulug, Cagayan kamakalawa.
Kinilala ng pulisya ang napaslang na si Arthur Domingo habang nasakote at pormal na kakasuhan naman ang suspek na si Joel Domingo, 43.
Nabatid na sinita ng suspek ang kanyang kuya dahil sa pagkupkop nito sa pinsan na sinasabing kaaway niyang mortal.
Nagkataong nakiramay ang nasabing pinsan sa pagkamatay ng kanilang ina.
Nauwi sa mainitang pagtatalo ang magkapatid hanggang sa pagsasaksakin ng nakababatang Domingo ang kanyang kuya kung saan naisugod pa sa ospital subalit idineklarang patay.
Sa ngayon, dalawa na ang nakaburol sa tahanan ng pamilya Domingo habang humihimas naman ng rehas na bakal ang suspek inaasahang haharap sa kasong parricide.
- Latest
- Trending
