Cafgu dedo sa atake ng NPA
BAGUIO CITY, Philippines – Isa na namang miyembro ng Civilian Armed Forces Geographical Unit (Cafgu) ang iniulat na napatay matapos salakayin ng mga rebeldeng New People’s Army ang kampo ng Cafgu sa bayan ng Sallapadan, Abra noong Huwebes ng umaga.
Kinilala ng 50th Infantry Battalion ng Philippine Army ang napatay na si Jay Bringas ng Barangay Sallapadan sa nasabing bayan.
Lumilitaw na sinorpresang ni-raid ng mga rebelde ang nasabing kampo kung saan tumagal ng 45-minuto ang bakbakan bago umatras ang NPA, ayon kay Marcelo Garcia.
Niratrat din ng mga rebelde ang ilang sundalo ng AFP engineering brigade bago tumakas kung saan wala naman iniulat na nasugatan o napatay sa panig ng militar.
Nauna ng nagbabala ang Agustin Begnalen Command na aatake anumang oras laban sa mga kampo ng military sa Abra.
- Latest
- Trending
