Nagbigti dahil sa nobyo

PANGASINAN, Philippines — Isang dalagita na sinasabing may malaking problema sa kanyang nobyo ang iniulat na nagbigti sa loob ng kanilang tahanan sa Barangay Matic-matic sa bayan ng Sta. Barbara, Pangasinan.

Ang biktimang 3rd year high school ay nakilalang si Reina Mae Mercado, 14. Tumanggi naman ang mga ma­­gulang na isailalim sa awtopsiya ang mga labi ng biktima sa hindi nabatid na dahilan.

Samantala, da­lawang vintage bomb ang natagpuan sa bisinidad ng Barangay Bolasi sa bayan ng San Fabian noong Biyernes. Inilagay sa pangangalaga ng Bomb Disposal Unit ang mga bomba. (Cesar Ramirez)