Trader, sanggol tinodas

NUEVA ECIJA — Isang biyudong negos­yante at sanggol na lalaki ang napaslang maka­raang pagba­ba­rilin ng dalawang ‘di-pa ki­lalang kalalakihan sa gusali ng Villanueva sa Ga­baldon Street, Ca­ba­natuan City, Nueva Eci­ja, noong Sabado ng gabi.

Sa police report na nakarating kay P/Senior Supt. Ricardo Marquez, Nueva Ecija police director, nakilala ang mga biktimang sina Ricardo Gonzales y Alperto, 52, ex-CSU sa Kapitolyo ng Nueva Ecija at nakatira sa Barangay Villa Ofelia at ang 11-buwang sang­gol na si Kurt Justine Tiongson y Espino.

Samantala, nada­may naman si Teodoro Balag­tas, 42, na tina­maan ng bala sa ba­likat at ngayon ay gina­gamot sa Nueva Ecija Doctors Hospital.

Ayon kay SPO1 Dela Cruz, dumalaw lang si Ri­cardo sa kan­yang kasin­tahang si Teodoro sa nabanggit na lugar nang ratratin ng dalawang lalaking naka­motorsiklo.

Napag-alamang ka­long ni Teodoro ang sanggol habang nakiki­pag-usap kay Ricardo nang umalingawngaw ang sunud-sunod na putok ng baril.

Sinisilip naman ng pulisya ang anggulong love triangle ang isa sa motibo habang hindi na­man inaalis ang ang­­gulong karibal sa ne­gosyo ang pumas­lang. (Christian Ryan Sta. Ana)