Estudyante dedo sa road mishap

CAVITE – Isang estudyante ang iniulat na nasawi, habang sugatan naman ang lima pang sibilyan makaraang magsalpukan ang owner-type jeep at pampasaherong jeepney sa bahagi ng Barangay Sta. Clara, General Trias, Cavite kamakalawa. Kinilala ng pulisya ang biktimang namatay na si Kay Pee Pangilinan ng Barangay Julugan, Tanza. Samantala, sugatan naman sina Donald Cresencia, 29, ng 179 Barangay Julugan, Tanza; Renato Arbolante, 24; Rael Arnesto, 23; Lloyd Aranacap, 22; at Romeo Baldriaz 26, drayber ng pampasaherong jeep at residente ng Barangay Calantas Calaca, Batangas.

Sa imbestigasyon ni PO2 Jojie Ramos, naitala ang sakuna dakong alas-10:30 ng gabi matapos na mawalan ng kontrol ang owner-type jeep (DJU-601) na minamaneho ni Donald Cresencia kaya sumalpok sa kasalubong na pampasaherong dyipni (VBZ-369) ni Baldriaz. (Cristina Timbang)