Manhunt sa 5 ‘kotongerong’ pulis-Maynila, ipinag-utos
MANILA, Philippines — Isang malawakang manhunt operation laban sa limang pulis-Maynila na sangkot sa pangingikil sa isang computer shop owner sa Sampaloc, Maynila ang ipinag-utos ni Philippine National Police (PNP) chief Gen. Benjamin Acorda, Jr.
Kinilala ang mga pulis na sina Staff Sergeants Ryan Tagle Paculan at Jan Erwin Santiago Isaac; Cpl. Jonmark Gonzales Dabucol; at sina Pat. Jeremiah Sesma Pascual at Jhon Lester Reyes Pagar na pawang nakatalaga sa MPD District Police Intelligence Operations Unit (DPIOU).
Isang babae rin na nagngangalang Menay at sinasabing kasabwat ng limang pulis ang pinaghahanap.
Batay sa record, pinasok ng mga pulis ang computer shop ni Herminigildo Mateo, 73, at kinuha ang kita na P40,000.
Binigyan diin ni Acorda, inutos na niya ang pagtugis sa limang pulis upang papaliwanagin sa reklamo.
Aniya, hindi kinukunsinti ng PNP ang gawaing ito ng mga pulis at dapat lamang na masampahan ng kaso at mapanagot.
- Latest
