Jeepney vs truck: 7 sugatan

MANILA, Philippines – Pito-katao ang iniulat na nasugatan matapos salpukin ng truck ang pampasaherong jeepney sa kahabaan ng Padre Burgos Street sa Ermita, Maynila kahapon ng umaga.

Naisugod sa Phil. General Hospital ang mga biktimang sina Jonathan Rodriguez, 24, driver ng jeepney (DFY 770); Jonathan Meneses, 50; Donna Joy Pagkalinawagan, 34; Karim Rasid; 8; Jane Karen Hernandez, 23; Rodel De Leon 43; at si Al Cator, 32.

Sumuko naman sa Manila District Traffic Enforcement Unit ang driver ng truck (APA 3329) na si Candido Pangilinan.

Sa ulat ni SPO1 Jay Santos, dakong alas-9:30 ng umaga nang maganap ang sakuna malapit sa Round Table sa Ernita.