2 ginang na galing sa money remittance, pinagbabaril
MANILA, Philippines – Namatay noon din ang isang misis habang isa ang nasa kritikal na kondisyon matapos na sila ay pagbabarilin habang sakay ng tricycle ang mga suspek na naka-motorsiklo at tangayin ang kinuhang pera sa isang money remittance na naganap kamakalawa sa Bulihan Road, Silang, Cavite.
Ang nasawi ay kinilalang si Gemelyn Radam 27, may-asawa, residente ng Excess Lot, Brgy. Yakal, Silang, Cavite.
Malubha naman nasugatan ang kasamahan nitong si May Ann Alonzo, 30, residente ng Blk. 37, Lot 13, AFP Bulihan ng nasabi ding bayan.
Batay sa imbestigasyon, bago nangyari ang pamamaril sa dalawang ginang dakong alas-6:15 ng gabi ay kumuha ng pera si Radam sa isang money remittance na nagkakahalaga ng P30,000.00.
Sumakay ang dalawa sa isang tricycle (VM-1207) na minamaneho ni Dominador La Rosa at habang bumabagtas sa lugar ay bigla na lamang silang pinagbabaril ng mga suspek at nasapol sa ulo si Radam at tinangay ang bag nito na may laman ng nasabing halaga.
- Latest
