Mangingisda nasapol ng kidlat

MANILA, Philippines – Isang mangingisda na si Maximo Tacanay, 49, residente ng Brgy. Deet, Tayum, Abra ang nasawi nang ito ay tamaan ng kidlat habang nanghuhuli ng isda sa ilog sa bayan ng Tayum noong Martes ng hapon.

Ayon sa imbestigasyon, kasalukuyang nangingisda sa ilog ang biktima habang binabatak nito ang lambat  nang biglang  kumidlat ng malakas na sumapul sa katawan  nito na naging sanhi ng kanyang kamatayan.