Parak patay sa lalaking may sayad
MANILA, Philippines – Nagmistulang bayani ang isang pulis nang mabaril ito at napatay ng isang lalaki nang-agaw ng baril sa isang sekyu ng mall matapos rumesponde kahapon sa Santa Rosa City, Laguna.
Ang nasawi ay kinilalang si PO1 Ariel Abordo na nagtamo ng tama ng bala sa katawan. Habang napatay din ang suspek na inaalam pa ang pagkakakilanlan na umano ay may sayad.
Sa ulat na natanggap ni Supt. Pergentino Malabed, hepe ng Santa Rosa City Police, dakong ala-1:00 ng hapon ay bigla na lamang inagaw ng suspek ang baril ng sekyu na may apelyidong Ibasco na nagbabantay sa isang kilalang mall na matatagpuan sa Brgy. Tagapo ng lungsod. dakong ala-1:00 ng hapon.
Nang makita ni Abordo ang komosyon ay mabilis itong napatakbo upang saklolohan ang guwardiya. Pero bago pa man ito makalapit ay pinagbabaril na siya ng suspek.
Napilitan naman si PO3 Reynante Ingresol, kasamahan ni Abordo na paputukan ang suspek na nagresulta sa agaran nitong kamatayan.
- Latest
