4 miyembro ng hold-up gang, nadakip

MANILA, Philippines – Bumagsak sa kamay ng pulisya ang apat na lalaki na miyembro ng holdup gang sa isinagawang anti-criminal operations sa Quezon City.

Ang mga suspek ay kinilalang sina Jonathan dela Cruz, 35; Rodney Gelera, 26; Lester Vic Samortin, 32; Rolando Pastorito, 33; at Melencio Picio, 50.

Nabatid na ang mga suspek ay nadakip ng mga tropa ng Anonas Police Station matapos na hol­dapin ng mga ito ang isang pampasaherong jeepney sa kahabaan ng Aurora Blvd., Loyola Heights, ganap na alas-8:30 ng umaga.

Kaagad nakahingi ng tulong ang mga biktima kaya’t mabilis na naaresto ang dalawang suspect.Habang kinahapunan ay naaresto ang dalawa sa Payatas.