Mangingisda sinagpang ng buwaya
MANILA, Philippines - Sinagpang ng isang buwaya ang isang mangingisda habang ito ay nasa ilog sa bayan ng Bataraza, Palawan kamakalawa ng gabi.
Ang nasawing biktima ay kinilalang si Roel JaÂhani, 30, residente ng Brgy. Rio Tuba, Bataraza na ang bangkay ay natagpuang lumulutang sa ilog.
Batay sa ulat, bandang alas-11:00 ng gabi nang matagpuan ng kanilang kapitbahay ang biktima na may mga malalalim na sugat at pagkaputol ng ilang bahagi ng katawan na hinihinalang sanhi ng pag-atake ng buwaya.
Bagaman walang nakasaksi sa pangyayari ay naniniwala ang mga residente na ang umatakeng buwaya ang nasa likod ng pagkamatay ng biktima.
Ilang residente rin umano ang nakakita sa paglutang ng malaking buwaya sa malalim na bahagi ng ilog kaya iniwasan nilang maglangoy dito dahilan sa takot.
- Latest
