PUVs na may election ads kakanselahin ang prangkisa
MANILA, Philippines - Nakatakdang kanselahin ang prangkisa ng mga pampasaherong sasakÂyan tulad ng bus, jeep at AUVs sa mga lalawigan at sa Metro Manila kapag nakitaan na mga election ads ng mga kandidatong lalahok sa nalalapit na May 2013 elections.
Ito ang banta ni Land Transportation Franchising and Regulatory Board (LTFRB) Chairman Jaime Jacob sa mga bus owners dahil umiiral na sa bansa ang Comelec ban hinggil sa paglalagay ng campaign ads sa mga pampasaherong sasakyan gayundin sa mga terminals.
Bagamat nabigyan na ng tangggapan ng abiso ang mga public utility vehicle owners tungkol sa Comelec ban na ito, dapat pa ring matiyak na sinusunod ito ng kanilang mga driver.
Gayunman, niliwanag ni Jacob na hindi pa nila alam kung anong campaign ads ang bawal mailagay sa mga pampasaherong sasakyan dahil hanggang ngayon ay malabo pa sa kanila ang batas na ito.
- Latest
