Simbang gabi ‘wag gawing ‘simbarkadas’

MANILA, Philippines - Nagpaalala si CBCP Episcopal Commission on Youth Executive Secretary Fr. Kunegundo Garganta sa mga kabataan ngayong nalalapit na ang Kapaskuhan na huwag gawing “sim­barkadas” ang nala­lapit na pagsasagawa ng Simbang gabi.

Dapat anya isapuso ng mga kabataan ang kahalagahan ng ebangheli­sasyon para sa pagha­handa sa tradisyunal na Simbang gabi.

Inihayag ng pari na mahalagang isapuso ng mga kabataan na ang panahon ng Simbang gabi na magsisimula sa ika-16 ng Disyembre ay panahon ng pananahimik at pagni­nilay para sa kaarawan at pagkatawang tao ni He­­sukristo na ipinanganak sa sabsaban.