Car sumalpok, 3 tigok
MANILA, Philippines - Tigok ang tatlo katao habang isa pa ang nasa kritikal na kondisyon matapos na sumalpok ang sinasakyan nilang kotse sa isang poste sa Barangay Rawis, Legazpi City kamakalawa. Sa ulat ng National Disaster Risk Reduction Management Council (NDRRMC). Kinilala ang mga namatay na sina Valarie Salcedo, 30; Andrew Salcedo, 18; at Johnny Barromeo, 17. Samantala si Nico Paje 17, ay nanatiling nasa malubhang kalagayan sa Bicol Regional Hospital.
Nangyari ang insidente ganap na alas-11:00 ng gabi kung saan galing umano sa isang birthday party ang mga biktima at tinatahak ang lugar sakay ng Ford Lynxs Sedan nang biglang mawalan ito ng kontrol at sumalpok sa poste.
Sa lakas ng salpok, nawasak ang kotse dahilan para maipit ang mga biktima. Tumagal ng halos dalawang oras bago tuluyang nai-alis ang mga biktima saka isinugod sa ospital kung saan idineklarang patay ang tatlo.
- Latest
