Pacquiao champion in recess

MANILA, Philippines — Hinubaran ng World Boxing Association (WBA) welterweight title si eight-division world champion Manny Pacquiao dahil sa kabiguan nitong depensahan ang kaniyang titulo sa mahabang panahon.

Sa statement ng WBA, ibinaba si Pacquiao bilang “champion in recess” habang ipinalit sa kanyang puwesto si Cuban  Yordenis Ugas bilang “super champion.”

“Filipino Manny Pacquiao has been named Champion in Recess by the WBA in a resolution issued by the Championships Committee. Cuban Yordenis Ugas was promoted to Welterweight Super Champion,” ayon sa WBA.

Halos isa’t kalaha-ting taon nang hindi nakakatungtong sa ring si Pacquiao.

Huli itong nasilayan sa aksiyon noong Hulyo 2019 nang talunin nito si American fighter Keith Thurman via split decision para maagaw ang WBA welterweight belt.

Bigong maikasa ang sunod na laban ni Pacquiao dahil sa coronavirus disease (COVID-19) pandemic — bagay na hindi kontrolado ng kampo ng Pinoy champion.

Kaya naman nagpasya na ang pamunuan ng WBA na tanggalan ng titulo si Pacquiao.

“Rule C.22-24 states that when a champion is unable to defend the belt for medical, legal, or other reasons beyond his control, he may be named champion in recess,” ayon sa WBA.

Wala pang sagot ang kampo ni Pacquiao sa desisyon ng WBA.

Pinaplantsa ang pagtutuos nina Pacquiao at American undefeated fighter Ryan Garcia na nauna nang inihayag na posibleng exhibition match na lamang.

Subalit itinanggi ni MP Promotions chief Sean Gibbons na magi-ging exhibition lamang ito dahil posibleng ito na ang magsilbing title defense ni Pacquiao na hinahanap ng WBA.

“Who said it was an exhibition. I never. Lots of chatter on the internet . Until you hear an official announcement it’s all gossip,” ani Gibbons sa kaniyang reply sa isang Twitter post.