Hornacek sinibak ng Suns bilang head coach
PHOENIX - Sinimulan ng Suns ang 2015-16 NBA season at umaasang makakapasok sa playoffs sa unang pagkakataon matapos noong 2010.
Ngunit naipatalo nila ang 19 sa huling 21 laro dahil sa pagkakaroon ng injury ng mga key players.
Dahil dito ay sinibak ng Suns si coach Jeff Hornacek sa kanyang posisyon.
“The Phoenix Suns have relieved Jeff Hornacek of his duties as head coach following his two-plus seasons in the position,” wika ng Phoenix sa isang statement.
Sa pamamahala ni Hornacek simula noong Mayo ng 2013, nagtala ang Suns ng 101-112 win-loss record, kasama dito ang 14-35 mark ngayong season na naglaglag sa kanila sa standings.
Sa unang taon ni Hornacek noong 2013-14 ay naglista ang Suns ng 48-34 kasunod ang 39-43 sa nakaraang season.
Ang 52-anyos na si Hornacek ay naglaro ng anim na taon sa Phoenix sa kanyang career bilang isang shooting guard.
Si Hornacek ay papalitan sa bench ng kanyang assistant na si Earl Watson bilang interim coach.
Ang 36-anyos na si Watson ay isang dating player na may 13-year career sa NBA.
Nagretiro si Watson noong 2014 at nasa kanyang unang season sa Suns coaching staff.
Gagawin ni Watson ang kanyang debut sa pagharap ng Suns sa Toronto Raptors.
- Latest