Tabuena, Chang Kai Shek panauhin sa PSA Forum

MANILA, Philippines - Ang dalawang kampeon sa golf at secondary basketball ang magiging special guests sa pinakahuling Philippine Sportswriters Association (PSA) Forum para sa 2015.

Bibisita si rising golf star Miguel Tabuena sa pang alas- 10:30 ng umagang sports session sa Shakey’s Malate dalawang araw matapos kunin ang una niyang Asian Tour title nang maghari sa 98th edition ng Philippine Open.

Makakasama niya sa public sports program na inihahandog ng San Miguel Corp., Accel, Shakey’s at Philippine Amusement and Gaming Corp. ang Chiang Kai Shek, nagkampeon sa Philippine Secondary Schools Basketball Cham-pionships (PSSBC) makaraang talunin ang De La Salle-Zobel noong Linggo.

Ang kukumpleto sa guests list ng weekly session ay si boxing promoter Ryan Gabriel na ilalahad ang malungkot na sinapit ng mga Filipino boxers sa isang South African International Boxing Organization (IBO) promotion.

Hinihikayat ni PSA president Riera Mallari ng Manila Standard ang lahat ng miyembro na dumalo.