Letran asam ang ‘twice-to-beat’

MANILA, Philippines - Pagsusumikapan nga­yon ng Letran College na tapusin na ang labanan pa­ra sa unang dalawang pu­westo at ang mahala­gang ‘twice-to-beat’ ad­van­­tage sa pag­harap muli sa Perpe­tual Help sa 89th NCAA men’s basketball tour­nament sa The Arena sa San  Juan City.

Ang laro ng Knights at Altas ay itinakda sa ganap na alas-4 ng hapon at na­ka­taya para sa Letran ang ika-13 panalo sa 16 laro para makatabla ang na­ngu­ngunang San Beda sa unang puwesto.

Kung mangyayari ito, ang Red Lions at ang Knights ang siyang kukuha sa ‘twice-to-beat’ advantage dahil hindi na aabot sa 13 panalo ang Al­­tas.

Ang PBA-bound na si 6-foot-7 Raymund Al­­mazan at si Mark Cruz ang siyang magdadala sa la­­ban ng tropa ni coach Caloy Garcia para mai­paghiganti rin ang 66-80 pag­kakadurog sa  Perpe­tual sa unang ikutan.

Kailangan naman ng ko­ponan ni coach Aric Del Rosario na manumbalik ang dating tikas upang pi­gilan ang paglasap ng ikat­long sunod na kabigu­an.

Pasok na sa Final Four, nalagay sa alanga­nin ang paghahabol sa unang dalawang puwesto ng Altas nang lumasap ng magkasunod na pagkatalo sa kamay ng San Beda, 76-78, at sa Lyceum, 61-84.

Dapat na lumabas mu­li ang init ng paglalaro nina Nosa Omorogbe, Ju­neric Baloria at Harold Arboleda para sa Altas na kailangang manalo sa hu­ling dalawang laro para mag­karoon ng tsansa sa play­off para sa insentibo.

Magkukrus naman ang landas ng Lyceum at St. Benilde sa tampok na laro sa alas-6 ng gabi.

Ang laban ng Pirates at ng Blazers ay isang ‘no-bea­ring’ game na dahil pa­rehong talsik na sa liga ang dalawa mula sa magkatulad nilang 5-10 baraha.