Donaire-Darchinyan rematch pormal na ihahayag ngayon

MANILA, Philippines - Nakatakdang ihayag ngayon ang rematch nina da­ting unified world super bantamweight champion Nonito ‘The Filipino Flash’ Donaire, Jr at Vic Darchinyan ng Armenia.

Maglalaban sina Donaire (31-2-0, 20 KOs) at Dar­chinyan (39-5-1, 28 KOs) sa isang 10-round, non-title featherweight fight sa Nobyembre 9 sa American Bank Center sa Corpus Christi, Texas.

Pinabagsak ni Donaire si Darchinyan sa fifth round para agawin sa huli ang mga suot nitong International Bo­xing Federation at International Boxing Organization flyweight titles noong Hulyo ng 2007.

Nagmula ang tubong Talibon, Bohol sa isang una­nimous decision loss kay Guillermo Rigondeaux ng Cuba sa kanilang unification super bantamweight bout no­ong Abril 13 sa New York City.

Bago matalo kay Rigondeaux ay binigo muna ni Do­naire noong 2012 sina Wilfredo, Vasquez, Jr., Jeffrey Mathebula, Toshiaki Nishioka at Jorge Arce para hi­rangin bilang 2012 Boxer of the Year.