Sharpshooter nasa target

MANILA, Philippines - Isang kondisyon na Sharpshooter ang humarap sa limang nakatungga­li sa karera para sa mga edad tatlong taong gulang na kabayo na nangyari no­ong Biyernes ng gabi sa Met­ro Turf Club sa Malvar, Batangas.

Si Jonathan Hernandez ang gumabay sa ka­bayo na hindi gaanong na­paboran kahit nanalo ito noong Abril 20 dahil sa bigating katunggali sa pangunguna ng Alta’s Fi­nest at Divine Eagle na pinatawan ng mabibigat na handicap weights na 57 kilos at 55 kilos, ayon sa pagkakasunod.

Nagkabanggaan pa ang Sharpshooter at ang Keep The Pledge sa pag­bubu­kas ng aparato pero hin­di ito na­kaapekto sa tak­bo ng na­nalong kabayo da­hil agad na naigiya ni Her­nan­dez ang sakay para ku­nin na ang liderato.

Mula rito ay hindi na nag­karoon ng pagkakata­on ang ibang kasali na ma­agaw pa ang kalama­ngan patungo sa bande­rang-tapos.

Ang Divine Eagle na noong Abril 6 sa race track na pag-aari ng Metro Manila Turf Club ay na­nalo sa Hot And Spicy ang paghabol sa Sharpshooter.

Pero ang halos dalawang dipang layo ng ka­tung­gali ay sobra na para ma­abutan pa upang malagay sa ikalawang puwesto ang Divine Eagle na kapos ng kalahating katawan.