Kaibigan (86)
‘‘LASING ka na Tess?’’ tanong ni Dex habang inaalalayan si Tess sa silya. Nakatagilid na sa pagkakaupo.
‘‘Hindih pah, Dex. Order pa tayo ng isa pah.’’
‘‘Baka di mo na kaya.’’
“Kaya pa nga. Sige na Dex. Masaya talaga ako ngayon.’’
Tinawag ni Dex ang nagsisilbi sa kanila.
Lumapit ang waiter.
‘‘Bigyan mo pa kami ng dalawang boteng beer.’’
“Right away Sir!’’
Nang makaalis ang waiter ay hinarap ni Dex si Tess.
“Kaya mo pa ba talaga, Tess. Parang hindi ka na makatayo.’’
“Sobra ka naman, Dex. Kaya ko pa ngang makipaghalikan.’’
“Ssshh, yang bibig mo.’’
“Joke lang. Ikaw naman natakot agad.’’
“Pagnainom natin ang inorder ko, uwi na tayo ha?’’
“Sige.’’
“May pasok pa tayo bukas.’’
“Tange, Sabado bukas.’’
Napakamot sa ulo si Dex.
‘‘Ay oo nga ano.’’
‘‘Ikaw yata ang lashing, ha-ha-ha!’’
“Nalimutan ko lang.’’
‘‘Palusot ka pa.’’
Maya-maya dumating ang beer nila. Sinalinan ni Dex ang baso ni Tess.
‘‘Kaya mo pa talaga ha?’’
‘‘Oo!’’
Sabay silang uminom. Naubos.
‘‘Tatawagin ko na ang waiter. Mag-bill out na tayo, Tess.’’
‘‘Sigeh. Ako magbabayad ha. Libre ko to.’’
‘‘Hati tayo.’’
“Akoh na lang Dex.’’
Tinawag ni Dex ang waiter. Si Tess ang nagbayad.
Maya-maya lumabas na sila. Inalalayan ni Dex si Tess. Nakaakbay na ito sa kanya.
Nagpatawag si Dex ng taxi sa sekyu. Maya-maya, dumating na ang taxi. Sumakay sila. Nakayakap na si Tess kay Dex sa loob ng taxi.
‘‘Ihahatid na kita sa inyo. Saan ba sa inyo?’’
“Ayaw ko nang umuwi sa amin, hik!’’ (Itutuloy)
- Latest
